जय जय भैरवी असुर-भयाउनि, पशुपति-भामिनि माया।
सहज सुमति बर दिअ ओ गोसाउनि अनुगति गति तुअ पाया॥

बासर-रैनि सबासन सोभित चरन, चंद्रमनि चूड़ा।
कतओक दैत्य मारि मुँह मेलल, कतन उगिलि करु कूड़ा॥

सामर वरन, नयन अनुरंजित, जलद-जोग फुल कोका।
कट-कट बिकट ओठ-पुट पाँड़रि लिधुर-फेन उठ फोका॥

घन-घन-घनन धुधुर कट बाजए, हन-हन कर तुअ काता।
विद्यापति कवि तुअ पद सेवक, पुत्र बिसरु जुनि माता॥

Jai jai bhairavi asur Bhayawani Lyrics
Pashupati bhamini maya
sahaj sumati bar diya o gaushawin
jai jai bhairavi asur bhayawani song download