आइके दिन Music Maithili के सार्वजनिक कएल गेल रहए। म्युजिक मैथिली अपन यात्राके १ साल पूरा कएने अछि। 21 June 2022 के तत्कालिन मधेश प्रदेशक अर्थमन्त्री माननीय शैलेन्द्र प्रसाद साहद्वारा Music Maithili के उद्घाटन भेल छल। ई मैथिलीक पहिल अपन Music Streaming App छी। सम्पूर्ण संगीत कर्मीसभके बधाइ । तइयो म्यूजिक मैथिली एखन धरि विकाशेके क्रममे अछि। आइ विश्व संगीत दिवसके महत्वके विषयमे चर्चा करब।

विश्व सङ्गीत दिवस, जकरा [Fête de la Musique] फेटे दे ला मुसिकके नामसँ सेहो जानल जाइ छै, ई संगीतक एक वैश्विक उत्सव छियै जे प्रत्येक वर्ष २१ जूनके होइत अछि। ई दिन पहिल बेर सन् १९८२ के फ्रान्समे मनाएल गेल छल आ तखनेसँ ई विश्वक १२० सँ बेसी देशसभमे मनाएल जा लागल।

विश्व संगीत दिवस सब उमेर आ संगीत क्षमताक' लोकके लेल एकटा दिन छियै जे एकठाम आबि संगीतक शक्तिकेँ उत्सवक रूपमे मनाबैत अछि। सड़क, पार्क वा अन्य सार्वजनिक स्थान पर संगीत कार्यक्रम आयोजन कएल जाइत छै। कोनो कलाकार भाग ल सकैत अछि, चाहे ओ एकटा व्यावसायिक संगीतकार होइ सवा कोनो व्यक्ति जकरा मात्रे गीत आ नाँचब  पसिन अछि।

विश्व संगीत दिवसके लक्ष्य संगीतकेँ एकटा सार्वभौमिक भाषाक रूपमे बढ़ावा देनाइ अछि जे लोककेँ एकजुट कए सकैत अछि। ई एहन दिन जे संगीत संस्कृतिक विविधताकेँ मनाबैत अछि तहिना आओर लोककेँ संगीत प्रति अपन प्रेम दोसर संग साझा करबाक प्रोत्साहित करै छै।

History of World Music Day

विश्व सङ्गीत दिवसक प्रारम्भ सन् १९८२ मे फ्रान्सक संस्कृति मन्त्री जैक लैंग कएने छल। लैंग एकटा एहन दिन निर्माण करए चाहैत छलाह जे संगीत आ लोककेँ एकजुट करबाक प्रयास होइ। ओ २१ जूनकेँ चुनलक कारण ई ग्रीष्म संक्रान्तिके अछि, उत्तरी गोलार्धमे ई वर्षक सभसँ नम्हर दिन छी।

पहिल विश्व संगीत दिवस बहुत सफल भेल छल। पेरिस मे 1,000 सँ बेसी फ्रिमे संगीत कार्यक्रम आयोजित कएल गेल छल, आ  ई कार्यक्रम दुनिया भरिके मीडियाद्वारा कभर कएल गेल रहए। अगिला वर्ष, विश्व संगीत दिवस फ्रान्सक आन शहरसभमे मनाएल गेल आ ई तेजीसँ आन देशसभमे पसरल।